Nuoret ja sananvapaus Euroopassa -fidnu
Materiálat leat buvttaduvvon Mediakasvatusseura ja Viestintä ja kehitys -foandda oktasaš Nuoret ja sananvapaus Euroopassa -fidnus. Fidnu mihttomearrin lea leamaš doarjut nuoraiguin bargi bajásgeassiid dieđu sátnefriddjavuođa birra olmmošvuoigatvuohtan ja fállat bajásgeassiide mediabajásgeassima bargoneavvuid maiguin sii sáhttet doarjut nuoraid áddejumi sátnefriddjavuođa mearkkašumis demokratiijas sihke nuoraid vásttolaš ja huksejeaddji doaibmivuođa medias. Materiálaid sáhttá geavahit friddjat oahpahusas ja nuoraiguin bargamis. Čakčat 2021 ollašuvvan fidnu ruhtadii Eurooppatiedotus.
Materiála lea fidnemis maiddái suomagillii, ruoŧagillii ja eŋgelasgillii.
Mii lea sátnefriddjavuohta?
Sátnefriddjavuhtii gullá vuoigatvuohta cealkit iežas oaivila sihke váldit vuostá ja juohkit oaiviliid ja dieđu. Sátnefriddjavuođa vuođul virgeoapmahaččain ii leat vuoigatvuohta sensureret ovddal gihtii: almmolaš ságastallamii, ođđasiidda, ságaide dahje čállosiidda ii dahkko ovddalgihtii dárkkisteapmi, gohcin dahje válljen.
Sátnefriddjavuhtii gullá maiddái skuohča dahje juoba loavkašuhtti ságaid almmuheapmi, muhto sátnefriddjavuohta ii atte vuoigatvuođa vealaheapmái, nuppi olbmo gudni loavkideapmái dahje veahkaváldái oalgguheapmái. Loavkašuhtti dahje muđui vahágahtti ságaid ráddjen ii leat sátnefriddjavuođa ráddjen Sátnefriddjavuođa sáhttá ráddjet maiddái dorvvolašvuođa ja dearvvasvuođa suddjema várás sihke priváhtta olbmuid beaggima ja vuoigatvuođaid dorvvasteami várás.
Nuoraid jurdagat sátnefriddjavuođa birra
Geahča video ja oahpásnuva nuoraid jurdagiidda sátnefriddjavuođa mearkkašumis ja dan rájáin, sátnefriddjavuođa ollašuvvamis nuoraid eallimis sihke das, maid juohkehaš sáhttá bargat sátnefriddjavuođa ovddideami ovdii.
Sátnefriddjavuođa dilli Eurohpás
Oahpásnuva sierra Eurohpá riikkaid sátnefriddjavuođadillái coahkkalemiin olis gávdnu gova plus-boaluid. Sáhtát luđet infográfas prentenveršuvnna (A3-sturrodagas) sihke infográfa teakstavástaga vulobeale liŋkkaid bokte.
Nuoraid tipsalistu dorvvolut ságastallamii
Sáhtát buoridit ságastallamiid dorvvolašvuođa ja rabasvuođa nuoraid jurdagiid ja kommeanttaid vuođul čohkkejuvvon tipsalisttu vehkiin.
Sátnefriddjavuođa dehálaš mihtut Eurohpás
Oahpásnuva sátnefriddjavuođa historjjá eurohpálaš dehálaš mihtuide sihke sátnefriddjavuođa dálá dillái ja boahttevuođa oidnosiidda.
Materiála buvttadeaddji:
Mediakasvatusseura / Riikka Kaukinen ja Marjukka Juhantila
Viestintä ja kehitys -säätiö / Susanna Koivistoinen
Grafihkka ja govat: Mediakasvatusseura / Marjukka Juhantila
Video govven ja čuohppan: Mediatuotanto Erik Sundström
Almmustahttinjahki: 2022
